22歲生日突發LIVE│姜濤認情緒不穩捱餓排舞突暈倒 「多謝大家咁睇得起姜濤呢個人」

人氣偶像姜濤昨日22歲生日，粉絲為他合資近50萬舉行慶祝活動，包括包起電車的車身廣告和電視廣告等等，由於不少粉絲都爭相跟該電車合照，更形容該位置被稱為「姜濤灣」，有大量粉絲聚集打卡，當作為偶像慶生。姜濤本身就因為演唱會在即，他都幾乎完全沒有時間休息，跟Mirror的隊友一齊排舞工作，好友肥仔@Error下午突發向姜濤送上一袋蛋糕仔，當作禮物賀他生日，認真Sweet！

舊日的足跡│姜濤謝知遇之恩答應養花姐到老 擔心失光環 人生目標想做番肥仔【下一頁】

{{hket:inline-image name="180300015_578905153027723_5339187047232864608_n.jpg"}}{{/hket:inline-image}}

姜濤完成工作後，今日凌晨時間開直播親自答謝大家的祝福，高峰期接近1萬人收看，不過他難掩累極的表情，雙眼幾乎睁不開。他多謝大家送他的禮物和為他安排的一切：「疫情搞唔到生日Party，冇諗過Fans為我做咁多嘢，搞到咁大。我好攰，我諗唔止我，成個Mirror都係，因為今次演唱會時間好緊迫，大家唔使擔心，係攰少少，希望演唱會順利，一連開六場，相信大家都冇呢個經驗，要調整自己心態。」

姜濤除了答謝外，亦為自己近來的情緒失控公開道歉，他更重提梅窩斥責粉絲的事件，他坦言：「由頒獎禮到現在差不多將近半年，冇諗過呢半年發生咁多事，確實自己未消化到，好多嘢嚟得好快，拎到獎當然係好事，證明大家鍾意我同我音樂，真係好開心。但同時都懷疑緊......有呢啲事之後壓力大咗好多，特別係呢排情緒好差，直到呢兩日之前我都未好開心，成日都發脾氣，如果我之前嘅情緒影響到嘅工作人員同大家，真係唔好意思。」姜濤解釋梅窩事件中，有粉絲表明事件上大感不快而不再支持，令他很傷心難過，「我都安慰自己，做番好自己，Fans就會睇到，不過見到一個支持我嘅Fans走，我都好難過。之後我朋友嘅事被媒體寫出嚟，影響到佢屋企人，唔好意思。身邊有個好朋友突然離開我，情緒真係唔穩定，我好理解AK，以前會覺得自己係理性嘅人，唔理解佢點解冇啦啦會唔開心，後來發現自己情緒都控制唔到，前排《Chill Club》綵排，我收到訊息之後就跑咗出去，頂唔順，原來件事影響到自己咁多。」他直言會努力成為大家心目中的「姜B」，不過希望盡快「搣甩」這個稱號，因為自己年紀開始大，再被稱為「B」就說不過去了。

（↓點擊放大睇圖片↓）

志雲頻道 【尋】︳花姐成功捧紅姜濤認一定有偏心曾經請辭 為責任連夢想都冇埋【下一頁】

姜濤大爆自己在排舞期間突然暈倒，情況令人擔心，他說：「好攰，琴日排排吓舞突然間暈低咗，我都係事後先知道，排舞時候太攰有d少少暈，又冇乜食野，好白癡呢件事，後來我有食番嘢，大家放心。」他透露演唱會後有私事要處理，會放一個長假好好休息，「公司批咗，可能覺得我而家情緒唔啱做嘢，唔知點解，開始覺得姜濤呢個人好多討論，有少少唔太適應，畀自己唞一段時間，希望趁個段時間，醫番好隻腳......定係去學跳舞同唱歌好呢？」他表示生日當日住所樓下有很多人，他都一時嚇怕而拔足而逃，他向被嚇親的Fans同記者致歉，他搞笑說：「大家唔好再影我做運動啦，因為真係好樣衰，個樣被人影到，公司又會鬧我，所以每次被人影到我都跑走。」

姜濤希望大家不要再誤會緋聞女友黃曉文Candy，亦勸Fans不要再留言罵她，他都大感不好意思。最後，姜濤再次答謝大家，更搞笑說：「多謝大家咁睇得起姜濤呢個人！」

{{hket:inline-image name="123582153_936641596745139_2681299100912112867_n.jpg"}}{{/hket:inline-image}}

責任編輯：楊安莉